Mendizale astea 2019.:: Mendiriz Mendi
Azaroak 4tik 8ra
Mendizale astea ospatuko dugu
mendirizmendi.com | 29-10-2019
Urtero bezala, aurten ere Mendizale astea ospatuko dugu. Beti bezala proiekzio interesgarriak antolatu dira eta zuen parte hartzea espero dugu. Proiekzio guztiak, 19:30etan izango dira Biteri Kultur Etxean.
EGITARAUA
AZAROAREN 4a, astelehena (Eus)
"ESKIA ARGENTINA, JAPONIA ETA AUÑAMENDIETAN"
Jon Sasigain, Aitor Zabarte, Aitzol Mendizabal
Pirineoetatik hasi eta Andeetan eta Japonian barrena dauden eski eremu ezberdinak ezagutaraziko dituzte euren esperientzi eta bizipenak azalduz.
AZAROAREN 5a, asteartea (Eus)
"BIZIMINEZ”
Josu Iztueta
Bi lagunek AEBko errepideetan zehar egin zuten bidaia bateko oroitzapen eta bizipenak azaltzen dizkigute Biziminez filmean. Errepideko zeharkaldia bera baino garrantzitsuagoa da barne bidaia: oroitzapen eta bizipen eder eta ez hain ederrak, jolasak, eta negarrez eta umorez gaindituko dituzten bidean aurkitutako oztopoak. Bizitzari buruzko gogoeta sakona, bi adiskideren erretratu zintzoa, bizimina transmititzen duen road movie hunkigarria.
AZAROAREN 6a, asteazkena (Eus)
"CVCEPHOTO 5 urte, Naturak argiari zentzua ematen dionean"
Club Vasco de Camping
Donostiako Vasco de Camping Elkarteak antolatzen duen nazioarteko argazkilaritza lehiaketa da CVCEPHOTO. Bertan, mundu osoko mendi kiroletako argazkilari ospetsuenek hartzen dute parte. Emanaldiak lehiaketaren argazki esanguratsuenetarikoak ikusteko parada eskaintzen du. Bide batez,argazki saritu batzuen erakusketa bat izango da.
AZAROAREN 7a, osteguna (Eus)
"JAPONIA"
Unai Goikoetxea
Japonian zehar bizikletaz egindako ibilbide bat, (Tokio,Shikoku irla, Fuji mendia…).
AZAROAREN 8a, ostirala
Gaztetxoak: 18:00etan proiekzio berezia. Gaztetxoen irteerak ikusiko dira, eta ondoren, dominak banatuko.
“XL. Argazki Lehiaketa”
Argazki digitalen lehiaketa eta sari-banaketa.
Ondoren, elkarteak urtean zehar egindako jardueren irudiak proiektatuko dira.
AZAROAREN 17a, igandea
Bazkidearen eguna. Mendi-irteera: Lana Bailara – Lokiz mendilerroa.
OHARRA: proiekzio guztiak 19:30ean izango dira Biteri Kultur Etxean, gaztetxoena izan ezik.
08-04-2024
04-04-2024
Lazkaomenditik
Zaldibiara
Arkakan barrena
26-03-2024
Apirilaren 28an Akarregi sagardotegian bazkaria egingo dugu
27-02-2024
GR-20 4. etapa:
Amezketa -
Ataun
26-02-2024
Aizpeako meategia,
burdinaren
lurraldea
28-01-2024
15-01-2024
Plaza Iturregi, s/n
20120 Hernani - Gipuzkoa
Tel.: 943 332 745
Info Meteo
Info Links