Mendiriz Mendi Elkartea - Hernaniko Mendi Taldea

HELDUEN IRTEERA

Pagadia.:: mendirizmendi.com

Hernani ezagutuz: Oberango pagadira joango gara hurrengo irteeran

mendirizmendi.com  | 2023-01-04

"Hernani ezagutuz" egitasmoaren barruan, aurreko urte batzuetan egin dugun modura, Oberan pagadia bisitatuko dugu.

Hernaniko lurretan egoera onenean dagoen pagadia da Oberan. Oraindik bere egoera naturalean aurkitzen da eta bere garrantzia ekologikoa handia da.Pagadiak eremu ekologiko garrantzitsuak dira biodibertsitatearen gordailu direlako eta ingurunearen kontserbazioaren alde funtzio ugari burutzen dituztelako.
Eremu zoragarri hau ezagutzera gonbidatzen zaitugu. Anima zaitez!

Ibilbidearen deskribapena
Ibilbidearen deskribapen zehatza eta datu gehigarri interesgarriak gure webguneko "Hernani" ataleko "Ibilbideak" azpiatalean aurki ditzakezu.

Oharrak
Ibilbideak guztira 11 kilometro inguruko buelta osatzen du. Bertara joateko, goizeko 08:00etan abiatuko gara autobusez Atsegindegitik. Irteera doakoa da eta ez da izena eman behar; bertara azaltzea, nahiko da.

Irteera hau, Mendiriz Mendi elkartearen laguntzarekin, Hernaniko Udalak antolatutakoa da.

Datu interesgarriak
Luzera: 11 km
Denbora: 4 ordu
Desnibela: 800 m gorantz eta beherantz.
Zailtasuna: Zailtasun berezirik ez.
Beharrezko materiala: Mendiko material arrunta.