Mendiriz Mendi Elkartea - Hernaniko Mendi Taldea

HELDUEN IRTEERA

Artikutzako herria.:: mendirizmendi.com

Urtea bukatzeko Eskas, Artikutza eta Goizueta

mendirizmendi.com  | 2024-12-01

Artikutza ezagutzen ez duenarentzat, toki eder hori ezagutzeko aukera izango du. Ezagutzen duenarentzat aldiz, berriro bisita bat egiteko aukera izango du.

Artikutza inguru hauetako baso zabal eta ederrena dugu. Nafarroako lurretan kokatuta dago, Goizuetako lurretan hain zuzen. Hala ere, finkaren jabea Donostiako udala da.

Artikutza baso hutsezko eta urezko paraje txiki eta lasaigarria gizakien esku-hartzerik gabe mantendu da. Irteera honekin, Artikutza ezagutzen ez duenarentzat, toki eder hori ezagutzeko aukera izango du. Ezagutzen duenarentzat aldiz, berriro bisita bat egiteko aukera izango du, basoa zerbait bizia den heinean egunero aldatzen baita. Kasu honetan udazkeneko jantzi horiarekin ezagutzeko aukera izango dugu.

Ibilbidearen deskribapena
Eskasetik Artikutza herrira jaitsiko gara trenbide zaharraren PR-a erabiliz. Herria zeharkatu eta Añarbeko errekari jarraitu behar zaio beherako norabidean Alama errekarekin topo egin arte. Toki horretan erreka zeharkatu eta, baso barrutik, Altueta mendi aldera igo behar da. Gailurra beheko partetik inguratuko dugu eta Altuetako lepora hurbilduko gara. Bertatik Goizueta herria baino bi kilometro lehenago dagoen Alduntzineko Jauregira jaitsiko gaitu bideak. Bertan amaituko da ibilbidea.

Datu interesgarriak
Eguna: Abenduak 15
Irteera ordua: Goizeko 7:30tan
Luzera: 14 km
Denbora: 5 ordu inguru.
Desnibela: 500 m gorantz eta 1000 beherantz.
Zailtasuna: Zailtasun berezirik gabekoa.
Beharrezko materiala: Mendiko material arrunta.