Mendiriz Mendi Elkartea - Hernaniko Mendi Taldea

Mendi-bizikleta
Hernanin eta
inguruetan

Hernanin bide eta pista ugari daude mendiko bizikletaz gozatzeko oso aproposak. Gainera, elkarren arteko loturak egiteko aukerak biderkatu egiten du ibilbide-sarea.

Gune honetatik egingo diren proposamen guztiek Hernani dute abiapuntu eta helmuga. Batzuk zirkularrak izango dira, eta beste batzuk, berriz, linealak; baina bizikleta izango dute garraiobide bakarra. Ibilbideak zailtasunaren eta eskatzen duten ahaleginaren arabera sailkatuko dira.

Baxua: ez du gaitasun tekniko berezirik eskatzen, baina, bai, nolabaiteko esfortzu fisikoa.
Ertaina: esfortzu handiagoa eskatzeaz gain, bizikletaren gutxieneko maneiua behar da.
Handia: ibilbide gogorra distantzia edota desnibelagatik; zoruak txirrindulariaren arreta ia etengabea eskatzen du.

Datu horrez gain, beste lagungarri batzuk ere eskainiko dira: ibilbidean metatutako distantzia eta desnibela; eta ibilbideen trackak deskargatzeko aukera, GPSaz baliatuz gero, orientazioa errazteko.

Atal hau zabaltzen lagundu nahi badiguzue, zuen irteerak proposa ditzakezue; horretarako, bidali admin@mendirizmendi.com e-postara: ibilbidearen deskribapen labur bat (euskara eta gazteleraz), zuen ustez dagokion zailtasuna zehaztuta; lau argazki, non atereak diren adierazita; eta tracka.